最近又平安夜又聖誕節，遲下仲有個除夕，你哋班廢青實食埋食埋唔少好西啦！嗱，咪話毛毛唔提你哋，食咁多好西唔返做多啲運動嘅話，小心肥到著唔返以前啲衫呀～不過咁，假如你哋好似呢位日本妹咁擁有一件愈洗愈大件嘅衫，咁咪冇有怕囉！

話說，有位日本妹最近就買咗件中碼嘅白色針織冷衫（size就好似右邊件紅色針織冷衫咁），點知佢放入洗衣機一洗，件衫竟然遇怪魔即刻變大個，變咗超級加大碼喎，搞到佢一著上身就成個粵劇花旦咁呀！

唉，呢位妹豬仲話本身幾鍾意呢件衫?，而家MolaMola……

不過咁，其實件衫洗到變咗超級加大碼又點吖？起碼佢都仲著得上身，只係鬆身咗少少啫（好似係）。計毛毛話，好似之前呢位台灣網民咁先gg呀！你哋睇下，佢件衫甩色甩到成個命案現場咁喎！

所以話，呢位日本妹又使咩咁傷心啫，反正而家時裝界都有股oversize街頭風吹緊，加上潮流呢家嘢都話唔埋嘅，話唔定你勇敢啲、著多啲呢件衫出街，你就走在潮流嘅尖端呢！55！

資料來源：chan0221kon／twitter、陳田勻／爆廢公社 

回帶：【coloring your life】洗衫洗到啲水成盆血咁係咩玩法？

回帶又回帶：洗下條黑色褲啫，使唔使搞到盆水咁樣樣呀？

この前ネットで買ったタートルネックのニットがが
洗ったら伸びました。
Mサイズで買いましたが
15Lくらいになりました。
洗う前は気に入ってたので
相当辛いです。
クリスマスの悲劇と名付けます。 pic.twitter.com/aS1Z2H4B2X

— タイ人 (@chan0221kon) 2016年12月25日