唔係講笑，其實煲飯呢個動作真係好難！唔信毛毛同大家數下嘞：嗱，首先你要有個電飯煲，然後你要將啱份量嘅水同米放落去，最後仲要撳著個掣等佢熟喎，淨係聽都知有幾複雜啦！而最近，有位台灣網民嘅家姐竟然做晒以上步驟都fail？咦，係咪個電飯煲壞咗咋？

原來佢之所以fail，笨唔係因為電飯煲壞咗，而係因為佢連電飯煲個內膽都冇擺落去呀！到底一個人要有幾傻西瓜，先可以直接將啲米同水倒喺一個冇內膽嘅電飯煲煮呢？睇唔透，真係睇唔透……

btw，其實呢位網民嘅家姐已經算好好㗎喇，你哋睇下早前呢位日本網民，佢傻西瓜到將個電飯煲放上電磁爐上面煮咪又係咁！

嗯，睇完呢兩位網民嘅天才示範之後，毛毛決定以後都係將煮飯呢個重任交返畀毛毛生命之中最重要嘅女人（即係毛毛老母）。

資料來源：鐘俊緯／爆廢公社、FCnH2n／twitter

回帶：【天才廚神】乜電飯煲唔係要擺上電磁爐加熱嘅咩？

回帶又回帶：【媽呀】唔記得擺內膽，煲飯就搞到咁樣樣喇！