唔好以為做娘娘，身邊有咁多兵，就一定爽歪歪呀。其實娘娘都係人，娘娘一樣會放屁、一樣會有煩惱嘅。就好似過時過節咁吖，隻隻兵唔理自己咩級數都向娘娘進貢禮物，啱心水就話啫，如果娘娘唔鍾意，都唔知扔去邊好呀！

好彩而家有網上拍賣，可以將唔要嘅嘢折現，仲又方便又環保?！有日本網民就發現拍賣網站Mercari近幾日驚現大量首飾，疑似係咁多位娘娘們想幫收到嘅獻禮搵頭好人家呀！

啲首飾仲要大部份都寫明全新，毛毛勸各位兵仔唔好去呢個聖誕禮物嘅墓地check有冇自己嗰份喇……無論你入伍幾耐、咩等級都好啦，總之娘娘唔like就唔like㗎喇……

嗱嗱嗱，唔好話娘娘拜金、現實呀！其實佢都係想等大家可以用個平少少嘅價錢買到心頭好啫！話唔定佢都明白兵仔成日要進貢，荷包一定乾晒塘，先放出嚟等其他兵可以買嚟獻畀自己位娘娘咋嘛！唔想自己份寶貝畀人賣嚟賣去，下次送張附屬卡畀娘娘咪好囉，佢實同你使乾使淨?呀！

メルカリが男からのクリスマスプレゼントの墓場化している。 pic.twitter.com/XxrYlXOuNX

— Resonate (@resonate_t) December 24, 2016

封面圖片、資料來源連結：resonate_t／twitter