煮嘢食嚟講，好唔好食都係其次，廚房入面又有刀又有火，身邊好多隱藏危險㗎嘛，一陣唔小心整點算！唔好以為自己只係拎起樽豉油淋幾下就好安全呀，唔覺意跣手都一樣可以大檸樂！

毛毛嚟問你，跌咗身份証要點做呀？咪執返起佢囉。咁跌咗樽豉油要點做呀？今次就唔係直接執返起佢咁簡單喇，事關樽豉油係開咗蓋，仲要倒立喺地下?㗎！就咁睇好似冇乜嘢，啲豉油都係倒瀉咗火少啫，但細心諗下，只要一拎開個樽，入面淡淡似是湖水嘅豉油就會一發不可收拾……媽呀，到底點做好呀！

有網民見佢咁慘，咪出手改圖幫下佢囉，輕輕幾下就抹返乾淨執地喇，既方便又快捷。

或者成樽豉油P走佢，豉油唔存在，問題都自然唔存在啦！

其實講咁耐，都係驚倒瀉豉油啫下話？easy執啦，成張相反轉，咪咩事都冇囉？點解個個都諗唔到㗎？

@motaro ラップでいけそうな感じです pic.twitter.com/bkVAbSifiS

— 匠／あんだんご (@an_dan_go) December 25, 2016

好喇認真喇，等咗咁耐，終於有神人post咗條片出嚟教佢點解決，原來只要用一張保鮮紙，慢慢攝入個樽口就得㗎喇！不過隻手唔夠定，都一樣會GG嘅……

其實倒瀉半支豉油，最多咪抹返乾佢，使乜諗咁耐拎唔拎開個樽啫。但如果係面對呢個櫃，就真係諗打唔打開都要諗返十年八年喇……

これどうしたらいいか教えてください... pic.twitter.com/Og6JMuWcwC

— Kentaro Morita (@motaro) December 25, 2016

封面圖片、資料來源連結：motaro／twitter、曾少岑