身邊總有啲勇氣可嘉嘅朋友，冒住畀人話似維修技工嘅危險，著件螢光色嘅衫上身，偏偏佢又carry到喎。說穿了咪又係你的樣子如何，你的衣著也必如何……但係原來著衫似維修工都可以係好事嚟㗎！

是咁的，呢兩個好巴打突然有個idea，想做一個社會實驗，就係試下著住件反光衣同拎住個假walkie去唔同嘅地方扮工作人員，睇下啲職員會唔會真係傻下傻下放佢哋入去，而佢哋第一站就係去咗間戲院喇。一入到戲院就喺職員面前直行直過，仲轉咗入第一個院度睇《呢個聖誕冇銀用》?！

睇完免費戲，就去同陽光玩遊戲，去動物園睇下獅子老虎大笨象啦～不過話晒堂堂動物園，會唔會咁易畀你兩個入到先？佢哋兩個都有啲淆，所以扮下嘢喺出面食下煙仔，又懶親切咁同櫃台姐姐打個招呼，竟然真係畀佢哋過到骨呀！

入到去仲要連其他職員都認唔到佢兩個係假扮，仲有啲嚟玩嘅家庭當咗佢哋真係職員搵佢哋問路?！所以佢哋都覺得偽制服（真反光衣）嘅威力真係好大呀。你諗住呢兩條友拎到咁多著數，都係時候收手啦，點知而家先係真正打大佬呀！

佢哋雖然fake唔到巴士叔叔，但唔緊要，因為佢哋真正嘅目標係Coldplay演唱會！佢哋首先換件橙色嘅反光衣，望落就似足工作人員喇。不過毛毛肯肯定佢哋實失手畀人拉啦！話晒人哋畀咁多錢買飛喎，點會咁易畀你入呀？

點知佢哋又真係入到去啵衰鬼！仲要本身諗住有咩事要撻個工作人員嘅朵畀保安，等佢哋唔使畀人拉，點知都慳返唔使講，過五關斬六將之後，入到去先搵個堅工作人員嘅fd 整臨時pass，成個過程都冇事，連佢哋呢個fd子都話佢哋黐L線呀！最正係可以免費喺第一排都要葡萄嘅最前線睇晒成場演唱會呀！

雖然聽落好爽歪歪，但地方嘅廢青唔好亂試呀，話晒喺香港咩都可以告不誠實使用，反光衣都照告得呀！最緊要係咩呀？你唔係姓梁呀嘛，同埋姓梁呢招都就過有效日期喇，好似係。

封面圖片及資料來源：Boredpanda、Vice.com