2016年12月28日 星期三
【點做好】主子你匿喺度取暖，叫奴才情何以堪呢…
有做過貓奴嘅都知道，喵星人最鍾意四圍瓹窿瓹罅，發掘唔同嘅秘密基地匿埋，等奴才搵佢唔到，再慢慢欣賞奴才好緊張咁周圍搵佢嘅表情。
主子表示：「朕匿得咁埋你都搵到？！一定係跟得朕搵食多喇！」
要匿入窿窿罅罅，首先一定要唔怕黑啦，唔通打晒燈話畀奴才知自己匿咗喺邊咩！雖然喵星人唔怕黑，不過都同人類一樣怕凍嘅，又想取暖又想匿埋監視人類，到底匿喺咩地方最好呢？
冇錯喇，就係趁愚蠢嘅奴才辦緊大事，警覺性同反抗能力最低嘅時候，一嘢走入佢條新鮮滾熱辣嘅孖煙囪度，殺佢一個措手不及！小燈主子發現咗呢個咁正嘅最新秘密基地之後，仲想call埋大佬一齊享受奴才嘅餘溫?呀！其實聖上都係想用自己嘅肉球味道遮一遮奴才條底橫嘅味啫，真係用心良苦㗎，你仲唔感恩？
不過咁，主子呀，手下留情啦，奴才趕住返工賺錢買罐罐進貢畀你哋呀，一陣企起身你哋變咗瞓吊床就唔好啦……
封面圖片、資料來源連結：NAVER BBOOM、Liwing Lin／貓咪也瘋狂俱樂部 CrazyCat club、
Charles Lin／貓咪也瘋狂俱樂部 CrazyCat club
延伸閱讀：
