世上最需要死頂嘅職業，應該除咗幾悶幾眼瞓幾想打機都要陪女主人濕平嘅男朋友之外，就係Model喇。唔好見人哋個個樣靚身材正就話人係花樽，得個款呀，其實做得Model，都不知幾專業！

行行下Catwalk PK之後仲要一秒chok返個靚樣同忍痛繼續行嘅片，我哋都睇得多啦，但原來唔止出Show有意外要忍住，就連影硬照都一樣要㗎！片入面兩位Model跟住閃光燈每兩秒就擺一個甫屎，一啲都唔生硬，真係好有型呀！

點知拍攝途中，其中一位Model竟然甩褲呀！哎呀，你對眼望咗去邊呀，望返右邊先啦，講緊位男Model呀，嘻嘻！

竟然甩褲打出條白色底底，真係夠晒老尷呀，不過呢位靚仔哥哥仍然保持專業，一啲都冇騰雞，繼續企定定擺甫屎，等助手幫佢著返好條褲。咁鬼Pro，真係堪稱日本Model王呀！

著返好條褲，又繼續Chok過。不過好可惜，條褲真係鬆咗少少，臨尾都跌咗少少落嚟～雖然毛毛冇機會做到咁型仔嘅Model，不過都好希望可以做到佢助手呀……嘻嘻！

ハプニング に 困惑 ?????！
笑いをこらえるのに必死。笑笑笑笑 pic.twitter.com/TlYjZSqgBi

— 美舞(みぶき) (@mibuki3939) December 27, 2016

封面圖片、資料來源連結：mibuki3939／twitter

《睇埋其他model專業表現》

【網拍model咁樣樣】小姐你會唔會瘦咗少少呀？

【做咩啫你】最強PS裝甲 台灣model執相執到咁樣樣