由細到大，我哋身邊梗係有啲損友，成日借啲意講埋晒啲曳曳嘢，明明講緊漢陽苑佢又話壯X苑，講緊麵包皮就特登講少隻字，講緊惠康就死都要拉去講聖誕大特賣……如果畀呢啲無聊朋友整嘢食呀，實唔會放棄呢個大好機會，扮晒失手整到咁樣樣啫！

你睇，整到個形狀咁親切，仲好意思話自己本身想整米奇班㦸？！信唔信我舉手話畀老師知吖嗱！明明都冇落雞蛋六隻糖兩茶匙，連橙皮都冇落，點解都會咁有嫌疑㗎！唔好蝦毛毛唔識世界呀，米奇係由三個圓形砌成㗎嘛，而家下面嗰兩塊就圓夠圓喇，上面就整到咁樣樣，仲唔係特登嘅？

喂喂喂，好地地整到咁嘅樣，係咪想人紅都面晒先？好彩佢係整班㦸啫，平面都算好㗎喇，如果畀佢整湯圓或者炸雞，有得玩埋立體形狀，仲唔放肆？老師，拉佢啦，記佢大過就啱㗎喇！

某ネズミキャラを作ろうとしたんだ ハハッ#料理の失敗談を語ろう pic.twitter.com/HrWHqwBYSl

— 瞬寝の人Ꙭ (@amisuke0w0) December 27, 2016

封面圖片、資料來源連結： amisuke0w0／twitter、dcard、DonnyGeeseGuy／reddit

同場加映：【邪惡料理】搓到啲湯圓咁嘅樣 叫人點擺落口啫！