其實做超人真係好大壓力，24小時on call，又要keep住副好body喎……不過冇計啦，救人要緊吖嘛，唔keep fit啲點著得到套緊身衣打怪獸啫？呢啲辛酸睇怕都只有另一個超人先會明白，唔怪得呢班超人一得閒就約出嚟gathering、互相交流下啦！

而且臨散band之前，佢哋仲齊齊擺返個招牌甫士影相留念，1、2……喂咪住先，點解張相睇落有啲唔順眼嘅？

係你喇！係呀，講緊你呀中間嗰個！唔好以為你企喺成堆超人入面就睇你唔到先得㗎，喺成班型仔入面得你一個擺兩個V仔嘅傻仔手勢，你咁鮮明同出眾想點先？跟下隊形得唔得！

不過又好難怪佢嘅，好多超人看似好Man，但其實內裡都埋藏住一顆少女心～如果唔係呢個幪面超人就唔會天寒地凍喺個電話亭度織冷衫啦！btw，點解要喺電話亭？超人換衫都可以喺電話亭度換啦，而家織埋冷衫又有幾出奇啫！

封面圖片及資料來源：digidigi_xros／twitter、ginsharinaoko／twitter