啲人成日話情侶對得多就會有夫妻相，估唔到而家唔止人對得第二個人個樣耐會似對方呀，原來連主子對得其他嘢耐都會有夫妻相㗎！唔好誤會，毛毛唔係講緊主子對得多奴才多就似你班奴才，毛毛係講緊呢隻梳乎樣比卡超公仔咋！

是咁的，話說有位日本奴才準備服待主子嘅時候，竟然發現自己張床度有兩隻一樣樣嘅公仔喎～奴才仲諗緊幾時買咗兩個瞇眼公仔，睇真啲先知原來係主子嚟呀！

主子，乜你瞓到比卡超咁嘅樣呀？仲要兩個黐埋一齊瞓咁sweet，你哋兩個究竟瞞住我一齊幾耐？Mola mola……連主子同隻公仔都咁有夫妻相，你叫仲係單身狗嘅奴才情何以堪呢？話時話，比卡超唔係鼠嚟㗎咩，唔通真愛真係可以超越一切？

不過咁，愛情呢家嘢笨唔可以勉強嘅，唔係個個貓星人都可鍾意啲電力十足嘅鼠兔㗎嘛。有另一個貓奴都捉咗屋企隻主子同比卡超培養感情，之不過主子個樣就不屑到一個點。唉愚蠢嘅人類，乜你以為主子嘅感情可以由你擺佈㗎咩？主子大把女女等佢啦，使L你介紹咩，奴才都係顧掂自己先啦喵～

封面圖片及資料來源：_Estrela_star／twitter