呢幾日天氣咁凍，一定要做好保暖措施，咁先唔會咁易病㗎。特別要小心唔好冷親個頭，笠返頂帽就最穩陣喇。不過要買啱心水嘅帽都唔易㗎，你知啦，一戴錯就瞬間變7頭㗎啦嘛。呢個台灣網民就好彩呢，竟然搵到天下間最啱佢嘅帽呀！

你睇下呢頂粉紅色冷帽幾襯佢，Casual得嚟又帶點可愛，可愛得嚟又唔浮誇。最緊要係個帽型襯返個髮型，個髪型襯返晒個面型呀嘛！真係襯到連佢個friend都忍唔住要影多幾幅相呀。

仲要唔止幫佢影，係喺佢後面做埋佢背景嚟同佢影呀～真係人生於世上有幾個知己呀。不過同學你都好唔畀面喎，影咗你咁耐，頭都唔抬高下，好大嘅官威呀～同埋你哋影咁耐，介紹返邊度有得買都得啩？

＿你個街呀，衛衣嚟嘅？唔怪得之Model抬唔高佢親愛的頭來啦！老老77，你咁樣嚟欺騙廣大網民嘅感情會唔會太過份先？事實證明，原來粉紅色頭真係可遇不可求。

封面圖片及資料來源：dcard