唔通連個天都唔鍾意我？話說，最近有台灣網民就喺高雄衛武營三角公園發現一架黑色車慘被淪為雀仔公廁，搞到車身立即由黑變白，真係隔住個mon都聞到陣臭味！

最慘嘅係，佢前面架笠咗車罩嘅車又冇事，啲雀仔偏偏就係揀咗呢架冇車罩嘅車嚟屙……

btw，就算自己架車做咗雀仔公廁咁又點吖？之前一宗喺佐敦道發生嘅「停著也中泥」交通事件個車主咪仲慘！佢架車竟然因為後面架泥車剎唔切掣嘅關係，架泥車載住嘅泥漿就咁倒咗落佢架車度喇……真係喊出嚟，係滿滿嘅泥漿呀嗚嗚！

不過樂觀啲咁睇，起碼呢兩位車主都唔係揸開蓬車吖～以毛毛9估，呢啲肯肯定係天神賜畀呢兩位車主嘅禮物！其實天神係唔想呢兩位車主架車畀人偷咗去，所以先送個「天然防盗裝置」畀車主，等啲賊仔唔敢郁手啫！係咪呀哈姆太郎？

資料來源：葉勝雄／爆料公社、Kent Liu‎／香港突發事故報料區

延伸閱讀：停著也中泥