今期流行啲咩？以毛毛9估，今期肯肯定流行緊地獄廚神，如果唔係，呢期啲地獄廚神又點會一個接一個咁蒲頭喎！不過，今時今日整到啲食物成嚿炭咁已經唔算得係啲咩地獄廚神㗎喇，真正嘅地獄廚神應該係連個廚房都整到地獄咁樣樣，咁先算稱職㗎嘛！即係咁：

嘩，個廚房做乜咁大煙呀？

而且啲濃煙仲蔓延到出廳，搞到間屋深陷霧霾之中咁款?！唔通呢兩張係強國示範單位嘅相？

非也非也，呢度唔係強國，係日本呀。

是咁的，話說最近有位日本地獄廚神就將條疑似蕃薯嘅物體放咗入焗爐度，仲用600W焗咗10分鐘，跟住眼前就出現咗一嚿黑炭同大量濃煙喇。不過大家見呢位地獄廚神仲有時間影相呃Like就知最後武士啦，真係好好彩！

btw，初頭全宇宙最有公信力嘅報章（又稱《人民日報》）話霧霾嘅成因同飲食業產生嘅油煙有關毛毛都唔係幾信，但睇完呢位地獄廚神嘅完美示範之後，毛毛終於知道原來呢個講法係冇錯㗎！55，一定係。

資料來源：sugikonat／twitter