通常嚟講，玩得cosplay嘅人都唔會淨係cos一個角色，識玩就梗係要不斷挑戰新嘅角色，咁先有滿足感㗎啦！不過家陣玩cosplay唔係玩lowcostcosplay，次次cos新角色都要買過晒啲cos服同道具，咁咪分分鐘淨係買cos服同道具都買窮啲coser？

所以好多coser咪選擇自製cos服同道具囉！就好似呢位cosplay道具達人咁，佢最近同兩個fd子一齊夾手夾腳整咗手機游戲《陰陽師》嘅其中一個角色「一目連」條龍出嚟咋嘛～

佢話自己做呢條龍真係花咗唔少心機，由製作到上色再到裝嵌，成個過程都非常認真，好彩出嚟個效果都好滿意，仲話希望出年可以做到更棒的出嚟?……事不宜遲，即刻睇下製成品係點先！

不得了，佢哋真係將條龍100%還原到出嚟喎！

放大少少睇真啲條龍，大家睇下啲色上到幾有層次，見啲色變都漸埋咁就知花咗幾多心機同時間啦下話！話時話，條龍咁巨型，唔知孭上身會唔會好重、好難郁動㗎呢？

呢位道具達人就話嘞，雖然呢條龍睇落好似幾巨型咁，不過其實條龍唔係好重㗎咋，就算係女仔孭上身都仲冇問題，一樣活動自如～

btw，雖然呢位道具達人真係好強，之不過以毛毛咁嘅資質，睇嚟都係學唔到佢哋一成㗎喇……毛毛都係玩返lowcostcosplay蒜狗掃把啦，55。

資料來源：碎仔_