2017年01月02日 星期一
【激死老師系列】你唔用間尺畫都唔使畫成咁呀？
話說，最近有台灣老師就同大家開心些牙咗一份學生功課嘅答案，話睇到佢眼都花埋喎！一齊睇下～
喊出嚟！雖然做做下功課突然要摷把間尺出嚟用又係麻煩咗啲啫（好似係），但呢位學生哥都唔使畫到啲線咁呀嘛？九曲十三彎咁樣樣，家陣玩迷宮呀？想睇死老師咩……搞到呢位台灣老師都忍唔到問一句：「是跟老師有仇嗎？」
唉，唔通真係「你有壓力，我有壓力」？早前有位香港學生哥都疑似壓力太大，喺聖經科測驗卷上面寫埋啲咩耶穌叫世人「晚點起床，在世上，我們要7:55起床，但是沒有精神上課，我已經勝過了世界」乜乜乜……
Btw，又唔個個學生哥寫嘅答案都睇到老師頭都大埋嘅，有時候，某啲學生寫嘅嘢分分鐘可以調返轉啟發老師㗎！咳咳，唔該講出5種對台灣生態造成危害嘅外來入侵種吖～
估唔到「大陸客」都可以成為答案之一呀下，真係令老師同毛毛都長知識了！
any肥，雖然作為一個繁忙學生哥，壓力大就梗㗎嘞，之但係老師一個人要對住你哋n個繁忙學生哥咪仲大壓力、仲繁忙！所以，不要玩老師呀知冇？
資料來源：katy1118／ptt、名校 Secrets、我是台灣人 (I am Taiwanese)
睇埋：
