夏天就話為大地帶嚟美腿啫，但冬天流流長，啲腳膠點過呀！唔使怕，而家啲妹豬都唔怕凍，冬天都照著短裙短褲，有時仲會影啲好清涼嘅家居照post上網派下福利㗎！台灣呢個網友就唔使上網喇，屋企都見到有對美腿呀，仲要喺老竇房，但又唔屬於阿媽㗎啵，哦！老竇你曳曳喇！

古乳有暈，有圖有真相，咁做女嘅梗係要影低老竇啲罪證啦，唔係新年部iPhone7同PS4邊有著落呀！嘩，呢對腳又白又長，睇嚟世伯真係係食家嚟㗎喎！

行近啲睇，molamola，阿媽今次冇喇，人哋對腳咁靚，仲要著住條短褲仔咁誘人咁瞓喺你哋張床。啲人話男人過咗40歲就鍾意睇腳，睇嚟真係冇講錯呀。做女嘅梗係要為阿媽拆開呢個「狐狸精」嘅真面目啦！

原來「狐狸精」就係老竇本人！哎吔～世伯好心你對腳咁索就唔好瞓到咁Sexy啦，好惹人誤會㗎嘛，阿女又係嘅，對咗老竇咁耐，都唔認得對腳？最慘係啲網民畀你呃咗入嚟，人哋褲都除埋，你畀啲咁嘅嘢佢哋睇，你點補償佢哋嘅心靈創傷先？

封面圖片及資料來源：dcard