以前睇宣傳易，個個廣告都狂講件貨有幾平靚正，一睇就知想sell乜嘅，不過而家世界唔同㗎喇，想sell保險就要話係你人生好拍檔、以為係愛情故事點知原來叫你借錢……就連賣果汁都要諗諗計，唔可以淨係一味話又新鮮又健康呀！

好似呢個果汁品牌咁呀，喺包裝上面印咗唔同字，等你班收集控一買就買幾支返去慢慢砌。其實買齊一句，一日送一支畀女神，等佢慢慢發現你嘅心意，諗落又真係幾浪漫嘅～

不過曳曳嘅世人又點會錯過呢個大好機會呢，有網民就發現有人多手將貨架上面嘅果汁砌砌砌，砌咗句咁有意思嘅句子出嚟喇……你媽年年感冒都不特止，老竇仲要畀利是小姐，嗯，真係飲得杯落喇。

喺超市有堆可塑性咁高嘅字畀你亂砌，啲人點會忍到手呀！到底個包裝設計師自己有冇諗過堆字可以咁玩法呢……

如果女神請毛毛飲呢支果汁，唔知飲落去食甜定酸㗎呢……不過個殘體愛字入面都冇心字嘅，佢想暗示毛毛唔可以唔用心愛佢啫，一定係！

封面圖片、資料來源連結：你看這隻艦狗／微博、騰牛健康網