每一次買福袋，都係華麗嘅冒險，喺美麗嘅包裝袋入面，可能係伏，又或者，係更大嘅伏！只有被選中嘅細路先可以喺芸芸「伏袋」之中，搵到真正嘅福袋！而「伏袋」入面總係會出現難以估計嘅奇怪物品⋯⋯特別係，當你買福袋嗰間嘢本身已經賣緊好多奇怪嘢。

好似日本呢位網友，去咗Village Vanguard呢間專買千奇百趣精品嘅日本牌子買咗個價值一萬円嘅福袋，真係勇氣無限呀！好彩打開都冇咩伏呀，有耳筒、袋、手機殻⋯⋯雖然一比一嘅企鵝都已經有啲怪，不過毛茸茸咁望落都幾可愛呀。Well，但中間嗰嚿咁搶眼嘅金色嘅係咩嚟㗎呢？

你睇下佢個形狀，係咪有一種熟悉又令人興奮嘅感覺呢？個質地又有啲似係咕?，唔通係畀人坐落去嘅？

熱心嘅網民當然好樂意解答呢個問題啦～有人話應該係要配合埋有窿嘅凳嚟用，又有人話係用嚟串住啲冬甩咕?，又有人叫PO主拎嚟掛帽，PO主都有實驗過㗎，可惜條嘢唔多夠硬咁啵。

真相只得一個！其實呢嚿望落咁令人紅都面埋嘅物體係一個撳釘形嘅攬枕呀～但係又有邊個會想攬住粒撳釘咁好意頭呢⋯⋯不過用途呢家嘢，好個人嘅，或者有人發掘到佢其他好處呢！

Any肥，呢位網民算好彩㗎啦，有人新年流流打大佬，學人用一千円買不幸袋喎，同學，話明「不幸」你仲買？不過人就係咁犯賤㗎啦，話畀你聽有伏，你反而仲想知有幾伏?。Between，「不幸袋」入面有一百蚊人仔圖案嘅銀包，又有一堆蟲蟲，唔通有啲咩嘅暗示？

封面圖片及資料來源：harukawa／twitter 

とりあえず、福袋に入っていたコレの使い道を教えてください。主人も私も困っています。#ヴィレヴァン福袋 #ヴィレッジヴァンガード #ヴィレバン pic.twitter.com/6qbv1KUiTz

— 春川梨野 (@harukawa) January 1, 2017