雖則話有圖有真相，但世界上有好多嘢係眼見未為真㗎。好似偽娘咁，你以為佢係女仔，點知原來係好可愛嘅男仔，又好似出街見到個女仔背多fun，但係擰轉面又未必真係似朱茵㗎嘛。最近好多日本網民就係咁畀呢個logo欺騙咗感情喇。

呢個Logo一睇就知佢係狗狗啦～以毛毛9估，呢隻這麼可愛，條毛咁毛茸茸嘅，一定係柴犬?！呢間公司醒喎印柴柴落件衫度，一定好好賣啫！但係點解遮住個頭呀？唔通狗狗個樣畀你畫到崩壞咗？

「人在遠方蟬沒有和唱，呀！！！」係比崩壞更崩壞呀！竟然咁可愛柴柴身係配鱷魚頭，呢啲咪叫鱷魚頭柴犬底囉！仲要係下面寫住呢種生物嘅名叫「わぬ」，即係叫……「鱷狗」？。OK，U Win！咁的確唔叫鱷狗唔通叫獅子狗咩⋯⋯

被騙嘅網民都唔好咁傷心喇，世事嘅嘢就好似呢幅圖咁，你夠以為佢係超夢夢啦。

其實咪又係比卡超！所以話，唔係樣樣嘢可以齋睇表面就高下立見㗎，就好似娘娘咁，做兵嘅你睇到嘅咪又係只係娘娘表面，但永遠都唔知道佢個心點諗⋯⋯

封面圖片及資料來源：lionneko／twitter、imgur