雖然講出嚟都有啲老套，但係意頭嘢都要做足嘅，「年糕年糕，食咗年年高」吖嘛蝦蝦，新年梗係要食返件年糕先似過節嘅，唔係一個二個廢青又喺facebook度呷咩人愈大愈搵到節日氣氛呀。日本人都一樣會食年糕慶祝新年㗎，不過係白色嘅日式年糕啫～

我哋就興蒸或者煎嚟食吖，日本人就鍾意烤到面層燶燶地脆脆地咁食喇，仲要帶少少金黃色，真係諗起都想食返嚿呀！啲年糕燒燒下，入面嘅餡就會開始爆出嚟，燒得愈高愈好意頭㗎！咪住先，左邊嚿年糕……喂呀，食年糕係一家大細嘅活動，你唔好借啲意又畀暗示喎！

呢個形狀，真係好有親切感呀……唉，嚿年糕自己爆到咁樣樣，真係唔關我事，唔係我控制㗎！

有好心網民見到場面咁老尷，於是就出手PS下，打返個格仔咁喇。不過唔打都仲睇得出係年糕呀，打完好似仲易心邪喎大佬……

估唔到原來年糕同男人一樣，變大之後都係咁樣樣㗎，有另一位網民都貼咗佢嚿蠱惑的年糕出嚟，真係愈睇愈紅都面晒呀……

如果件年糕唔係全白色，有啲嘢分散下注意力可能會感覺冇咁差啩？不過，呢嚿芝麻年糕好似先係最需要打厚格仔喎！

餅焼いたらちんこみたいな膨らみ方して草 pic.twitter.com/cOipl6rzas

— 犬マン (@dog_men1) January 3, 2017

封面圖片、資料來源連結：dog_men1／twitter

延伸閱讀：【一時失手】信我啦，我真係想整米奇班㦸㗎…