2017年01月05日 星期四
【停唔到口】原來薯片加埋西蘭花係咁夾㗎！
雖然話食炸雞唔食層皮，就好似褻瀆緊嚿神聖嘅炸雞咁，不過仍然有唔少妹豬為了靚靚而忍口撕走晒層雞皮㗎。薯片都一樣咁香口，但係一食就要食晒成塊，冇得話分開唔食皮㗎喎，如果唔小心食晒成包，都咪話唔肥呀！
台灣有個網民開咗包薯片之後，唔係好似我哋咁食到唔停口呀，而係覺得又鹹又油膩，完全食唔到落去，但又唔想做大嘥鬼啵，於是就來料加工喇！
佢將烚熟嘅西蘭花倒落淨低嘅半包薯片度，又惹味又（懶係）清新嘅薯片西蘭花就完成喇！一鹹一淡，溝埋一齊可能比淨係食薯片更加停唔到口呀！Btw，唔知點解毛毛覺得加幾嚿雞，仲可以變做台灣好出名嘅鹹水雞?啵！
香口嘅薯片同健康嘅西蘭花大纜都扯唔埋，但估唔到溝埋一齊又唔會變地獄料理啵。聽講日本呢款薯條蕎麥麵雖然睇落好嘔心，不過都一樣大賣㗎！薯條浸喺湯入面浸到唔硬唔軟，仲吸晒啲精華，感覺又冇咁熱氣，好味道㗎呢！照咁睇嚟，薯片同蕎麥麵應該都夾㗎喎，話晒「佢都係我同鄉」～
封面圖片、資料來源連結：dcard、rocketnews24
《尋找薯片的故事》
