老媽子同政府教落，做人千祈咪做大嘥鬼，所以毛毛一直堅守住呢個信念，做個有衣食嘅人㗎（雖然有時都係fail…）。直至遇到呢位港女，毛毛先知道……乜原來做一個有衣食嘅人係好cheap好失禮㗎？

話說，最近有位港女就同男朋友喺餐廳食飯，兩個人都只係食咗103蚊啫，而男朋友見呢位港女食剩咗一半咁多，就叫樓面姐姐拎個外賣盒畀佢包起食剩嘅飯餸，等港女第二日可以帶返公司食嘞。點知呢位港女竟然覺得男朋友咁做真係cheap到爆，話好失禮佢？

下，唔L係呀？人哋諗住食得唔好嘥先打包啫，咁都有錯？知唔知有幾多女女想搵個咁知慳識儉嘅男朋友都搵唔到呀……

再講吖，加個外賣盒要加成1蚊咁多喎，邊度cheap啫！

不過呢位港女大可以放心，毛毛就唔會好似啲道德L咁企喺道德高地批鬥你，話你係大嘥鬼冇衣食乜乜乜嘅。世人唔明白你，但毛毛一定明白你！以毛毛9估，呢位港女只係…只係……er，都係算啦。法官大人，毛毛冇補充。

資料來源：暗黑央莉／香港討論區