雖然工作枱上面實會擺返幾枝筆懶係有氣質咁，但講真呀，除咗簽收淘寶，你又有幾可真係拎枝筆嚟用呀？而家好日都唔揸筆，同小學嗰時真係好大對比呀！以前個筆袋成磅重，入面正正經經嘅筆就冇幾枝呀，奇奇怪怪嘅就一大堆，好似香味筆呀、閃粉筆呀，仲有擦得甩原子筆咁！

相信大家都曾經有個用擦得甩原子筆喺手冊寫粗口點知擦極都仲有少少字跡，最後搞到要見家長嘅傻豬豬同學。其實擦得甩原子筆呢樣偉大發明，又點止可以咁玩呀，跟日本畫師學下嘢啦！嗱，唔好以為呢個只係個怕醜妹妹呀！

畫師用風筒對住幅畫吹呀吹，唔通佢識變魔術，可以吹到個妹妹走光？呢個moment，神奇嘅事就發生喇！佢條黑色裙開始變咗透視裝，仲隱隱約約可以見到佢嘅神秘三角呀！

吹呀吹～讓這風吹～畫師繼續發功，竟然連怕醜妹妹條裙嘅上半截都吹走埋喇，真係睇到人紅都面晒呀！原來怕醜妹妹條黑色裙係用擦得甩原子筆畫嘅，畫師再用風筒代替擦膠磨擦時產生嘅熱力，令到啲筆跡消失晒，It’s magic！

除咗吹走條裙，佢仲試過吹走光頭佬個假髮，女仔定男人嘅惡夢都一次過畀佢玩晒，真係好邪惡呀！其實有頭髮又有邊個想食咖喱呀，下次不如都係做下好心，吹走撮鬚，幫人變返後生仔算啦～

みなさ〜〜〜〜〜〜〜ん！！！！PILOTのフリクションボールペンを買いましょう今すぐに！！！！！！！！！！！！！！！！！！！！！！！！ pic.twitter.com/UC3hWwU88F

— みくろ?(インド) (@micro280) January 3, 2017

@micro280 本当に申し訳ないと思ってる pic.twitter.com/Ryok9vGM0Z

— みくろ?(インド) (@micro280) January 4, 2017

封面圖片、資料來源連結：micro280／twitter