煮嘢食呢家嘢真係好講天份㗎，不過天份嘅嘢唔止唔係人人有，就算有都未必啱使呀。好多地獄廚神其實都好有天份㗎，不過係藝術天份咁解啫。佢哋整嘅嘢簡直就好似畢加索嘅畫咁抽象，仲要係高手中嘅高手先識得欣賞㗎。

嘩！呢煲嘢個藝術成就高到呢⋯⋯如果硬係要形容，就好似《哈利波特》啲魔藥咁，喺紫色嘅漿狀物之中，隱隱約約仲見到嗰幾條翠綠嘅青菜，整體質感有如嘔吐物咁傑撻撻。究竟呢個日本網友煲咗啲咩嚟呀？

PO主話呢兜咁嘅嘢原來係紫薯湯⋯⋯雖然話而家興紫薯乜乜乜，但呢兜嘢咁嘅款，更愛紫薯嘅人都好難啃得落啵。

其實大家都怪錯呢位朋友喇，有眼利嘅網民就睇得出，呢位唔係地獄廚神，係天才小廚師至真！因為佢將胖虎料理完美還原咗出嚟呀！真係有九成似啵～如果PO主可以唱埋「我係胖虎 我係小霸王～」做背景音樂，咁就真係Perfect池喇！

封面圖片及資料來源: dai6379／twitter

地獄回顧：【地獄廚房】都係叫「白菜」啫 使唔使成煲中毒咁嘅樣