阿媽自從生咗我哋之後，就成擔心機擺晒落我哋度，好可能仲連工都辭埋做個全職C9，真係好大犧牲㗎。到而家我哋大個仔大個女喇，佢終於可以同班好姊妹去下旅行relax下，雖然自己要返工冇份去，不過見到佢send相返嚟都係開心嘅～

日本有個網民就同大家開心些牙伯母去埃及旅行嘅時候send畀佢嘅相喇，真係諗落都覺得好warm又sweet呀！不過，伯母個造型又……幾出色喎，唔知出自邊位名師手筆呢下？

雖然舉起V字手勢影相係阿媽出遊必備項目，但係難得嚟到金字塔，梗係要特別少少，扮下法老王啦！加埋個金色面罩，有強國大媽面堅尼嘅味道，又有法老王嘅霸氣，真係邊個夠你威呀！好彩伯母戴咗面罩咋，唔係返到日本做咗網絡紅人，一落街個個都爭住搵你攞簽名呀！

伯母開開心心玩完返到屋企嘅時候，阿仔就問佢為乜要影啲咁奇怪嘅相啦，佢就話係因為就咁企定定影相唔夠好睇喇……阿仔你係咪質疑阿媽獨特的審美技巧先？你細個都係阿媽幫你影相㗎咋衰仔！

睇完自己阿媽嘅攝影大作，係時候睇下人哋阿媽影成點喇。哼，淨係影個景，你google搵張相話自己環遊世界都得啦！都係第一位伯母識影啫，企喺個景點前面V字手先睇得出自己到此一遊㗎嘛！

エジプトに旅行に行ってる母親からLINEで送られてくる写真が浮かれすぎてる pic.twitter.com/KFBg17atQs

— 大田洋輔 (@otapo_) January 7, 2017

封面圖片、資料來源連結： otapo_／twitter、cha_maru／twitter