有時一打開（所謂）女神嘅挨豬，無論去旅行定喺屋企影，張張都係自拍，只係換咗衫同背景咁解，真係有衝動問下佢到底係咪喺綠幕影完逐張key㗎囉。喺女神同兵仔眼中，軍糧最重要嘅梗係女神本人啦，搵鬼得閒睇個背景咩！

最近外國呢個性感妹豬就因為佢嘅自拍照而爆紅喇，不過就唔係因為佢露得多，而係因為……唉，你自己睇下就明㗎喇。

條裙又真係幾靚幾出色啵，不過都唔及後面個背景咁搶鏡啫！雖然班兵仔都係欣賞女神你身體……上邊條裙居多，但係間房亂成咁，驚唔驚班兵仔睇到眼花花呀？女神句caption仲好風騷咁話：「Going to dinner because I needed an excuse to wear this」，well，唔知佢又有冇諗下藉口畀自己執房呢？

摩擦力極強嘅網民仲發現佢間房有兩隻鞋喺地下。講明先，係兩隻，唔係一對。不過搵唔到另一邊又點吖，女神叫兵仔進貢過對新嘅咪得囉！

唔知女神係咪諗住出去食完dinnerrrrr就返嚟食地下呢幾粒棉花糖當係甜品呢？其實女神可能都係平時收到太多貢品，先唔知點擺啫！仲有呀，女神搞到間房咁亂，都係因為想摷件戰衣出嚟自拍咋，睇下佢幾重視派出去嘅軍糧嘅質素！

可能你覺得呢位娘娘嘅樣子都係一般，咁你就真係太膚淺喇，因為佢其實仲有充滿愛嘅內心！你細心睇下，佢連老鼠都當係寵物咁，任佢喺間房度自由活動㗎！又靚女又有愛嘅女神，你話邊度搵呀？

Going to dinner because I needed an excuse to wear this pic.twitter.com/UpeVG8y5SJ

— alyssa ?️? (@og_pocahontas) December 23, 2016

封面圖片、資料來源連結： og_pocahontas／twitter

睇埋：【點解要咁做】日本廢青房間成個垃圾崗咁樣樣