古乳有暈：老鼠愛大米，咁倉鼠愛咩呀？咪愛瓜子囉！不過原來佢哋唔止剝瓜子叻，連食魚仔都叻㗎！

雖然倉鼠最鐘意就係食瓜子，但係聽講瓜子好熱氣，所以都要畀下其他嘢倉鼠食㗎。唔好睇佢嘴仔細細呀，其實係拆肉高手嚟！

你睇下倉鼠仔三兩下手勢，就將條白飯魚成功拆肉喇！成條魚骨完完整整咁起咗出嚟，咁咪唔會嘥咗啲肉，又唔怕畀骨噎親佢嬌嫩嘅喉嚨囉！

人就話一次過可以食一百幾十條白飯魚啫，但白飯魚對倉鼠仔嚟講，就好似人同紅衫魚咁，唔知佢一次食一條夠唔夠飽呢？

其實倉鼠仔咁識食係有原因㗎！話說有個網民影咗自己屋企5隻啱啱出世，連毛都未生嘅倉鼠bb畀朋友睇，點知朋友冇發來賀電之餘，仲好真心咁以為呢兜係炒飯呀！倉鼠仔以叉燒炒飯嘅姿態出世，唔怪得大個仔之後會做到食家啦！

ちなみにこのにぼしを作り上げたのはこいつです pic.twitter.com/giJwVB1itE

— みかぽん (@raichi0215) January 5, 2017

封面圖片、資料來源連結： raichi0215／twitter、Love Amyterisa／倉鼠快樂養

《得意倉鼠仔系列》
唔係帶倉鼠仔睇獸醫都唔知原來收收埋埋咁多花生

【係緣份呀】玩玩下pokemon go 竟然野生捕捉到一籠堅﹒倉鼠

【100％match】倉鼠完美cosplay皮禮士糖