毛毛真係好葡萄啲coser可以cos到好似喺動漫入面走出嚟咁，你哋話嘞，有乜可能會cos得咁易嘅先？唉，假如毛毛都可以cos得咁出色就好啦……不過咁，邊個話一定要有靚衫靚妝靚道具先可以玩cosplay㗎？

最近，有網民就只成功用咗一張被嚟cos到電影公司嘅logo。

老老77，佢竟然乜都唔使做，一瞓醒就cosplay到電影公司嘅logo？又真係幾強喎！而且佢呢張cosplay電影公司logo嘅相仲即刻畀網民瘋傳?。睇嚟今次真係一cos驚醒夢中人，唔cos過都唔知原來呢位網民咁有潛質成為一個coser呀下！

btw，講到cosplay嘅嘢又點少得來自泰國嘅Lowcostcosplay達人呢。佢何止Lowcostcosplay，簡直連Nocostcosplay都冇難度，早前佢先完美示範點樣淨係用手就cos到畀技安打到口腫面腫嘅牙擦仔咋嘛！仲有唔少fan屎都有樣學樣?～

證明cosplay面前，人人平等。無論高成本、低成本定係冇成本，只要有心，就可以玩cosplay！

資料來源：Asnis／微博、Tanoopat Sukvanli

睇埋：【完美神還原】呢個咪畀技安打完嘅牙擦仔！