未見過，真係未見過……毛毛講緊明明已經一月都成廿幾度嘅反常天氣呀！著咗咁多日短袖tee，今日終於涼返少少，可以拎件鋪晒塵嘅冷衫出嚟著一著喇～轉凍嘅時候唔止我哋要著多件衫呀，連狗仔都要㗎～狗仔成身毛仲要著埋冷衫仔，一定唔止好得意，仲好好攬啫！

柴柴，你個樣做咩咁慘情呀？男人老狗，大家明嘅，唔係為咗錢就係為咗女人囉，人少少講嚟聽下啦，毛毛唔會周圍唱畀人知嘅～

原來呢隻個樣咁可憐嘅柴柴，唔係失戀又唔係冇罐罐食，更加唔係畀主人鬧完嚟，而係因為唔鍾意著衫仔出街街呀！主人見天氣開始轉凍，咪幫佢著件冷衫毛帶佢散步囉，點知佢就即刻擺個慘樣出嚟，唔講成街嘅人仲以為佢冇飯食先咁樣?呀！

「主人，件衫隻色咁娘就好心咪畀我著啦……我真係連落一落街都唔想呀大佬……」

人要面樹要皮，狗狗都一樣要靚靚嘅，呢隻柴柴唔止貪靚，啲表情仲好鬼誇張，好似識做戲咁，係咪想拎奧斯卡最佳男狗角先！之前主人買咗個花圈戴落佢條頸度，佢即刻睜大對水汪汪眼瞇瞇笑，成個女高中生咁卡哇依呢！一定就知佢最鍾意呢個花花look look 啦！

嘩，呢隻狗狗……係咪畀人遺棄，等緊好心人畀一個家佢㗎？睇真啲先啦，其實呢隻，都係頭先嗰一隻貪靚柴柴嚟㗎！主人話佢有一日唔知去邊度玩完返屋企，竟然玩到變咗隻污糟豬，成身都係泥，大家都話佢由女高中生變咗個大叔咁樣樣呀！成日都咁百變，會唔會有時連主人都唔認得佢㗎？

我が家の犬は服を着せた事がありません。今日は冷え込んだのでちょっと着せてみるかと、着せてはみたものの…多分嫌がるだろうとは思ったのですが想像以上に嫌そうで、ぴくりとも動かなくなりました。すみません許してください、二度としません。 pic.twitter.com/cGKvzi0qxB

— 高瀬花園 (@takase_farm) January 11, 2017

封面圖片、資料來源連結：takase_farm／twitter