可能喺大家眼中，用印花換返嚟嘅不銹鋼煲只不過係一件阻定兼嘥位嘅垃圾，但對一個稱職嘅師奶嚟講，呢個煲就好似賢者之石咁，係無論如何都想得到佢嘅嘢嚟呀！所以最近有位台灣師奶都為咗換不銹鋼煲，搞到凌晨兩點幾都仲喺家庭group度跪求印花，而且佢仲因為咁樣而畀阿女發現自己一件小7事?～到底係咩？一齊睇下吖！

咦，呢位師奶用小仙子嚟做profile pic又幾有少女心喎～不過呢樣唔係重點，重點係咩？你哋睇到未呀？冇錯，就係佢竟然搵支膠水嚟黐實啲印花呀！

嗚呀！呢啲印花本身咪一張貼紙嚟囉，你搵支膠水嚟黐做乜啫？仲要黐得鬼咁整齊，都唔知呢位師奶到底花咗幾多時間同花機喺呢堆印花度?……

btw，雖則呢位師奶傻西瓜到連印花可以直接貼上張積分卡度都唔知，不過間超市又唔會因為你搵支膠水嚟黐實啲印花而唔畀個煲你嘅，總之最後換到個煲咪得囉！

嗯，換到就係咯……最慘嘅係，阿女後來發現咗阿媽儲得咁辛苦嘅印花原來一早就過咗期冇得換呀！真係唔敢想像呢位師奶嘅心理陰影面積有幾大，希望佢以後唔會一見到印花就驚啦，55。

資料來源：dcard