撞衫嘅嘢成日都發生，之但係竟然唔係同人，而係同罐嘢飲撞衫，老竇你都算出色咯！話說，早前有位台灣網民就買咗罐提神飲品返屋企，點知一打開門見到瞓咗喺梳化上面嘅老竇嘅時候就發現……點解老竇你將罐提神飲品著咗上身嘅喂？

無論係老竇身上件衫嘅顏色、顏色分佈嘅位置，定抑或老竇個成碌肥柱咁嘅身材……都同呢位網民手上罐嘢飲似到十足十！老老77，老竇連呢兩隻咁難carry嘅顏色都carry到，仲要carry得咁好，係有勇氣嘅！

喂，而家淨係老竇身上嗰兩隻色先至難carry咩？呢位女同學仔件衫夠難carry咯，你哋睇下佢件衫上面有幾多顏色，佢件衫仲唔小心同人哋個筆袋撞埋衫?～呢啲咪名符其實嘅撞到九彩囉！

btw，講到撞衫褲鞋襪嘅嘢，呢對同電梯撞到應一應嘅帆布鞋先係堅．經典～毛毛差啲就以為佢對腳隱咗形噜！（弱弱一提，假如對鞋上面嘅間條可以直返少少嘅話，毛毛會睇得舒服啲囉…）

資料來源：dcard、家綺／‎爆廢公社、Phant0m_Girl／twitter

回帶：【毫無違和感】我對鞋同條電梯會唔會太襯？

回帶又回帶：【開嚟見我】原來佢嘅真身就係一個筆袋？