有啲人無論你點講點解釋，佢哋都唔信動物係有感情、有情緒，因為啲人覺得人類係萬物之靈，得人類先會有感覺同思想，動物頂盡咪對有自己家族血緣嘅親人有感情……但係最近BBC拍咗段片就證明咗呢啲笨唔係事實，動物嘅感情真係好豐富㗎！

BBC做咗一個節目，派咗唔同嘅機械動物做臥底，偷拍嗰啲動物嘅日常生活習性，但點都估唔到打頭陣嘅馬騮仔竟然超額完成呀！機械馬騮仔嘅任務，就係要混入咗係灰葉猴嘅群體裡面。好快灰葉猴就當正佢係一家人，仲同幫馬騮仔梳尾?～

但係意外真係意料之外，其中一隻灰葉猴媽媽見機械馬騮仔冇人照顧，咪諗住做佢契媽養大佢囉，點知攬佢上樹嗰陣竟然一時失手跌咗佢落街呀！咁跌法，Molamola⋯⋯

不過大自然弱肉強食，佢哋都應該慣㗎啦，應該好快收拾心情㗎啫。其實呢啲都只係你哋人類一廂情願嘅諗法咋！人哋不知幾有人性，唔止有其中一隻好傷心咁攬住佢，其他馬騮仲圍住佢，睇下馬騮仔有冇得救?呀！

大家見馬騮仔郁都唔郁咁攤喺度，知佢死咗，都表現得好傷心，仲好似人類咁攬住身邊嘅馬騮安慰對方呀！

「咁後生就走咗，真係陰功喇⋯⋯」

「佢都幾乖呀，做馬騮真係好化學呀。」 

佢哋啲反應真係好似人見到自己親人走咗咁傷心，所以唔好成日以為動物好蠢，冇思想冇感受，其實佢哋都好有愛，甚至可能比好多人類更有同情心同愛心?！雖然今次欺騙咗佢哋嘅感情係唔啱嘅，但唔係咁，我哋又點會睇到動物咁溫情嘅一面呢？

封面圖片及資料來源：BBC／Youtube