世上只有媽媽好，知道仔女心意嘅媽媽就更好。

話說，有位自稱「炸物控」嘅台灣網民就話自己好鍾意食炸嘢，尤其係麥樂雞，佢仲曾經話過希望自己嘅生日蛋糕都係由麥樂雞製成?～雖然呢句說話只係9噏，但估唔到阿媽竟然一直將呢句說話放喺心，之後仲真係達成咗呢位網民嘅願望?！

呢位網民話，雖然佢年年生日都撞正考試，加上佢又搬咗出去住，但阿媽每年都會如常同佢慶祝。而今年生日，阿媽就話佢中午嘅時候會拎一個六吋蛋糕過嚟畀佢……下，咁大個蛋糕點食得晒呀？後來當阿媽將個蛋糕送到嚟嘅時候又話個蛋糕可以唔使放入雪櫃喎……下，蛋糕點會唔使雪呀？呢個蛋糕肯肯定有古怪！

呢位網民一打開，果然呢個笨唔係普通嘅蛋糕，而係老媽子特製嘅巨型麥樂雞漢堡呀！而且阿媽仲驚佢太熱氣，入面放埋呢位網民最鍾意食嘅生果?～

雖然個賣相睇落就有少少伏，不過呢位網民食完都話：「真的超好吃，超感動～謝謝媽咪，我愛妳！」between，呢位網民你係多謝阿媽同愛阿媽嘅話就唔好淨係喺個post度講，仲要記得表達埋畀阿媽知呀，知冇？

資料來源：dcard

回帶：【係心意呀】收到Fd子自製麥樂雞朱古力蛋糕係咪好感動先？

回帶又回帶：【這就是創意】麥樂雞料理大全