遲來的冬天終於嚟到喇，不過講真吖，香港嘅冬天凍得去邊呀，仲要轉個頭就要沙唷啦嗱，除咗把握時機著晒啲冷衫冷帽上身之外，唯有睇下其他地方嘅落雪相FF下啦。多得日本落大雪，我哋先可以見到咁多冰雪奇景同埋得意雪人，隔住個mon咁增添返啲冬天氣氛咋！

有個日本網民就偷影到一個企喺雪地嘅路人唔知做緊乜喇。佢一開頭企定定喺度，唔通對腳畀積雪封實，想行都行唔到？

跟住，佢出盡奶力咁遞起咗一隻腳，不過唔知係咪barlun唔到，成個人企到側晒，好似就嚟跌咁呀！睇L住呀！

點知講都冇咁快，佢竟然一嘢嚟個倒掛金鈎再一柱擎天，連用手撐住塊地做倒立都嫌唔夠勁，直接用個頭嚟做倒立呀！ 好強呀，大師兄終於返嚟喇！大師兄你以為你半個頭插咗入雪地就搵你唔到咩？冇用㗎！好似你啲咁出色嘅男人，無論喺咩地方，都好似漆黑中嘅螢火蟲一樣，咁鮮明，咁出眾！

だる。滑ってこけた瞬間盗撮されとった。 pic.twitter.com/3OXBnhFJFN

— だいき (@doyaemoooon) January 15, 2017

封面圖片、資料來源連結： doyaemoooon／twitter