有兄弟姊妹嘅人先會明白嗰種又愛又恨嘅感覺。做大嘅成日啲細搶晒Fo，奶嘢又要幫佢哋孭鑊，而做細嘅又飽受畀阿哥家姐點嚟點去嘅折磨喎，雖然係咁，但有佢哋喺身邊的確係多好多搞笑回憶嘅～好似呢位台灣家姐咁，點估到叫個妹拎袋衫出門口，個妹都可以拎得咁有創意啫！

嘩！呢包嘢唔好話陌生人吖，就算係家姐自己想拎都要諗諗先呀……阿妹，雖則平日家姐有恰過下你，但你都唔使喺袋衫度落咒㗎？定係你最近玩陰陽師畫符畫到上晒腦呀？

一問之下，原來阿妹係因為怕袋衫喺出面會畀人偷，所以先畫到好似家姐畀人封印咗喺個袋入面咁呀！呢啲咪叫用心良苦囉～

講到傑出兄弟姊妹又點可以唔提以下呢個細佬呢，話說阿哥要返工唔得閒返嚟食感恩節大餐就叫細佬留啲嘢佢食啦，點知細佬真係每樣留返「啲」畀佢，真係多L謝晒呀！

btw，又唔係次次都係大整蠱嘅～好似另一位網民個阿哥咁，連一張gift card都畀佢包到好似wii game同結他咁，搞咁多嘢都只係想畀個實派細佬啫！老老77，雖然兄弟姊妹有時係幾乞人憎，之但係始終都係一家人呀嘛，冇咗佢哋你就寂寞㗎喇嗚嗚……

封面圖片及資料來源： Zheng Meng Fong／爆料公社、Reddit、Lictalon／imgur

《傑出兄弟姊妹系列》

【阿哥你真幽默】呢份包到成支結他咁嘅禮物 入面竟然係…

【超有心機】阿哥幫爛瞓細妹set頭 靚到咁樣樣

【家姐你好嘢】點解想拎返500蚊都要搵成10個checkpoint先拎到？