Ikea對於好多人嚟講，唔止係一個買傢俬嘅地方，仲係飯堂呀！唔單只可以買到平靚正傢俬，仲提供平價高汁食品，真係一個福地呀！不過做得福地，就好易招人妒忌嘅，日本有間Ikea竟然畀人恐嚇話要放炸彈喎！

講緊就係喺大阪府嘅Ikea鶴浜分店，店家一聽到就梗係嗱嗱臨緊急疏散所有人，包括晒所有顧客同員工啦～但係連停車場都封埋，咁點拎車返去呀！唯有個個變晒企鵝咁企晒喺鋪頭外面等消息啦！天寒地凍等消息？你哋肯定以為啲客會complain、complain同complain啦，但係居然冇啵！

多得一班叻叻豬嘅員工，一知道要疏散就即刻準備定啲氊幫啲客保暖，但係存貨唔夠，點算呀！唔怕，只要動動腦、轉轉彎，咪會快快解決了問題囉～竟然畀Ikea員工諗到派黃色購物袋畀啲客擋風呀！雖然聽落有啲7，但古乳有暈，橋唔怕7，最緊要使得呀嘛～

啲客都好體諒Ikea嘅員工，啲氊唔夠用，有個袋笠下都好喇，安全啲呀嘛，仲即刻笠下睇下係咪真係暖啲?。大家企晒喺度一齊笠，何其壯觀呀！

呢啲黃色購物袋雖然簡單，但係質料防風防水，就連啲客都讚估唔到佢咁保暖呀！有妹豬仲好開心咁影Selfie放上挨豬度呃like?～

不過最值得尊敬都係一班員工，佢哋咁努力派物資同諗計幫啲客保暖，但有部分仲員工著緊短袖衫，有啲褸著嘅仲除埋自己件褸畀小朋友?！真係見到都戥佢哋凍呀！連公司都讚今次員工夠醒，喺緊急情況下諗到拎埋啲袋出去會有用，仲幫公司解決埋關公危機?～

封面圖片及資料來源：na_gaohir／twitter、aisaregohan／Instagram