可能毛毛平時食嘅都係cheap嘢啦……次次食親任食打邊爐放題，無論order幾多份材料，佢都係亂9咁執畀你嘅。明明毛毛寫咗「生根x10」㗎嘛，佢竟然淨係畀得6粒毛毛喎！唉，冇計啦，放題就係咁㗎喇。

而最近，有台灣網民都去咗打邊爐，仲話自己食嘅雖然已經唔係放題，係逐樣材料計錢，但份量竟然都係咁少喎！一齊睇下～

嘩！啲雞肉使唔使薄到咁呀？唔通呢間火鍋店真係生意難做，想偷工減料？

以毛毛9估，呢間火鍋店絕對唔係想偷工減料，因為呢位網民食緊嘅笨唔係雞肉，而係刀功！試問當今世上有幾多人可以將啲雞肉切到薄過A4紙吖？薄得嚟要透光，透光得嚟又要保持完整，呢種境界真係唔係個個師傅做到。計毛毛話，呢碟嘢唔使擺入口，淨係望下都值回票價呀！

講到欺騙感情，之前呢位日本網民買嘅三文治咪仲加so9sad……

btw，其實樂觀啲咁睇，就算啲嘢食真係畀人偷工減料又點？起碼…起碼都唔係「加料」吖……你哋諗下嘞，你哋寧願食少啲搞到條氣唔gur，定係食多隻小強腳搞到反胃嘔晒成餐飯出嚟吖？

資料來源：施姵妤／爆怨公社、tomo8now／twitter

回帶：【你！呃！人！】點解連三文治都要欺騙我感情…

回帶又回帶：【哪有餡，你老＿】空虛寂寞鹹牛肉包