2017年01月18日 星期三
【有冇咁橋】連開六隻雞蛋都係雙黃？
雞蛋六隻，糖呢…呀唔係，係蛋黃呢就有十二個……下？六隻雞蛋加埋竟然有十二個蛋黃咁多？有冇咁橋呀？
就係咁橋！是咁的，話說最近有位外國網民阿Phil Cooper就買咗盒雞蛋返屋企，點知當佢諗住煮盒蛋嘅時候就發現原來盒蛋入面隻隻都係雙黃蛋嚟，連開六隻蛋都係雙黃蛋都咪話唔「當堂嚇一跳，然後得啖笑」呀！
咦，話時話，開到一隻雙黃蛋嘅機會率就係1/1000吖，咁連開六隻蛋都係雙黃蛋嘅機會率咪……媽呀！毛毛個腦處理唔到咁多個零呀！
btw，連開六隻蛋都係雙黃蛋又點吖？之前有個湖北女人喺過年嘅時候收到親戚送嘅一箱雞蛋，裏面連開十幾隻蛋都係雙黃蛋?啦～嚇到佢不知幾驚，仲唔敢再食，話驚啲蛋有問題呀。
嗱老老竇竇，照常理嚟講，雙黃蛋食落肚應該冇咩問題嘅，之不過假如個產地係……咁毛毛就唔知嘞。
