2017年01月19日 星期四
【媽咪無言系列】阿仔有特別的玩超人技巧
細路仔最鍾意梗係玩玩具啦，呢隻超人又話買，嗰隻怪獸又話買，唔同代唔同星嘅超人都買晒畀佢喇，到最後，其實咪又得一種玩法，咪就係一手拎住超人，一手拎住怪獸，「蕉蕉蕉銀芽」咁兩隻撞嚟撞去囉……
不過日本呢個囝囝就唔同喇，佢有特別的玩超人技巧，創造力量同幻想仲勁過咩創意思維班呀！囝囝仲返緊幼稚園，但已經係個忠實超人fan屎嚟，最鍾意就係……虐侍超人。用膠紙黐實佢哋都只係碎料啫，更多高招陸續有嚟！
超人，你咁大隻，幫媽咪看實個衣櫃就啱晒喇！雖然冇更亭畀你哋坐，不過有咁大條安全帶，唔使驚喎！
超人飛就飛得多，玩笨豬跳試過未先？不過細佬我而家唔得閒住，唔該你吊多陣先啦下。
唔好以為囝囝又喺度虐侍超人呀！其實佢見佢哋四個成日一夠腳就開枱打牌，賭到唔出去救人，先背對背綁起佢哋，忍痛幫佢哋戒賭啫，真係聽到都感動到落淚呀！
至於將超人反手扣實，仲用木板執實唔畀佢哋郁……算啦，毛毛都兜唔到落去喇。毛毛絕對有理由相信，忠實超人fan屎只係囝囝嘅表面掩飾，唔通佢真正身份係怪獸派嚟嘅奸細又要話你知咩！
次男の捕まえコレクション pic.twitter.com/SywM1rE5wC
— Aryuka (@arisacana) January 17, 2017
封面圖片、資料來源連結：arisacana／twitter
延伸閱讀：
