去公司嘅Annual Dinner呢，同班同事傾得埋就話好玩啫，如果傾唔埋，仲要對住腦細、上司成晚，可以慢慢增進感情，真係夠晒飲得杯落呀……公司仲要當正你班員工係落後民族，要靠公司搞呢類活動先有少少娛樂咁，真係多L謝晒。雖然係咁，不過諗到有得抽大獎，點難頂都要頂晒成晚佢啦！

台灣有個網民就好好彩抽中「Apple7」喇！正呀，成幾千蚊部，而家一嘢就畀你抽中，咁咪等如出多半個月花紅咁囉？呢餐飯真係抵食呀！

咦，咪住先，乜Apple7……係咁嘅咩？上台領獎之前同晒成個department同事講請食tea，而家你畀啲咁嘅嘢我？

咪咁sad啦，生命滿希望吖嘛！睇下人哋啲傷心事，自己就會開心返㗎喇。有另一個網民入住酒店嘅時候，一入到房見到幅窗簾大成咁，心諗今次實係住正無敵景觀房啦，對住塊落地大玻璃睇風景真係爽呀！

點知一拉開窗簾，咦，個窗呢？哦，原來喺右下角……酒店都係驚幅窗簾唔夠大，朝早會漏光啫，唔好怪佢啦。生命滿希望，不過唔記得咗提提你，冇希望先唔會有失望。

封面圖片、資料來源連結： Jason Hou、胥立言