話說，今朝有網民喺facebook group「North District 北區」度upload咗張相，相入面仲有個滲緊血水嘅喼?，呢位網民話佢搭地鐵搭到去太和站嘅時候，無意中發現到其中一位乘客個喼有血滲出嚟喎……唔通光天化日之下有人用喼嚟搬運屍體？嘩，唔係咁恐怖呀嘛！

喂大佬，呢啲嘢真係唔講得笑㗎嘛，點知條友個喼入面裝住嘅會唔會係人屍嚟呀……萬一眼白白畀個屠夫咁走甩咗，咁地球咪好危險？所以呢位網民一於打電話畀大學站嘅港鐵職員，等佢哋跟進事件。

港鐵職員一上車就向嗰位乘客問個明白。

咁到底呢位乘客個喼入面裝住嘅係咩呢？呢位乘客就話嘞，其實喼入面嗰啲唔係人屍，係魚屍嚟㗎咋！雖然毛毛咁大個仔都係第一次見有人買餸會用喼嚟裝魚，之但係，唔通佢貪個喼防禦力夠強又要話你哋知咩？

any肥，最後呢位乘客就應港鐵職員嘅要求，喺火炭站落咗車嘞。

資料來源：North District 北區