眾所9知，無臉男任性起上嚟就咩都會食落肚。吖，唔知係咪因為小千唔喺身邊睇住佢，加上佢呢排食完聖誕大餐又食pre新年大餐呢，無臉男個肚仔又痛喎……小千跟咗白龍走搵邊個嚟救佢好？有喇，一於搵呢隻見義勇為嘅倉鼠仔出手啦！

倉鼠仔： 「你擘大個口畀我睇下呀下……嘩，好臭下喎，你食咗咩嚟呀？」

雖然毛毛知道倉鼠仔懷著醫者父母心嘅心情，就算臭都照爬入佢個口度做檢查，但倉鼠你都要小心呀，萬一佢趁你檢查緊嗰陣合埋口，你就渣都冇剩㗎喇！

倉鼠仔驚都未驚過，走入去左摷摷右摷摷，睇完無臉男食咗啲咩就一個華麗轉身喺個口度爬出嚟喇！好，再兜埋去後花園睇下無臉男有冇便便先～

倉鼠仔：「你呢排食大餐食咁多肉又唔食菜，梗係便秘又肚痛啦！」

ハムムのときにちょっとキツそうだったので、少しだけ手で広げてみました。それがよかったのか、ココちゃんはカオナシに食べられました~ʬʬʬ
脱出も成功し、ココちゃんの反撃!!
そして、逃げるっっっ!!笑
ハムムや他の動画はインスタで<(_ _*)>#カオナシ#千と千尋の神隠し pic.twitter.com/SzxYo35j4T

— ゆたこ (@yutako55) January 19, 2017

可能因為無臉男腸胃唔好放咗個臭屁啦，最後倉鼠仔竟然嚇到走夾唔唞。between，臨近新年，有咁多劣食等住大家食，大家就記得食多兩條菜，唔好好似無臉男咁食到便秘兼肚痛喇～

封面圖片及資料來源： yutako55／twitter