而家一街都係低頭族，無論6歲定60歲都掛住撳電話，行街又撳過馬路又撳，前面有冇電燈柱、有冇踩到sss都唔知㗎喇，咁容乜易地下有錢都唔識執……去差館㗎？仲有呀，話唔定喺路上會踩到啲你估都估唔到嘅嘢㗎嘛！

日本有個網民就話佢行行下路唔小心踩到個紅色嘅小紙盒喇，望真啲呢，原來係個朱古力包裝盒嚟。再望真啲呢，原來係一個媽媽送畀仔女嘅打氣小禮物！上面寫住「絕對會贏！媽媽把念力傳給你，最愛你了！」，隔住個吉盒都感受到滿滿嘅母愛呀！「Kit-Kat」嘅日文發音，同「一定會贏」好相似，所以日本人就鍾意送呢款朱古力畀人當係打氣喇。

咁重要嘅嘢，竟然隨便扔喺路邊任人踐踏，真係心都酸埋呀……希望媽咪個小朋友只係唔小心跌咗，唔係特登扔咗去啦……

媽咪咁錫自己，做仔女嘅點都會好好珍藏呢份心意嘅！不過唔知娘娘對兵仔嘅心意，又係咪咁珍惜呢……聽講仲有半個幾月就到懲人節喇，到時會唔會一街都係呢個畫面㗎？不如兵仔們進貢畀娘娘之前，都係送定盒Kit-Kat畀自己先啦。

心痛むからこういうの道端に捨てるのやめろよ... pic.twitter.com/L6JJmxm59o

— しーちきん (@seachicken08) January 15, 2017

封面圖片、資料來源連結： seachicken08／twitter