而家去茶記食飯，毛毛都唔會再嗌咩少甜走冰、走青、少飯呢啲order㗎喇，笨唔係因為我對食冇要求，而係對每次個結果絕望呀！人哋一次過出咁多杯嘢飲、咁多碟飯，邊得閒理你有咩要求喎，所以毛毛咪索性唔講囉，你估個個都好似台灣呢個老闆咁聽民意咩！

「老闆，唔該畀多啲芝麻吖，香口吖嘛，仲有呀，聽人講食得多芝麻聰明啲㗎！」

嘩，一話要多芝麻，諗住都係灑多兩下啫，點知一多就多到咁樣樣，唔講仲以為叫咗個芝麻撈白飯呀，未食都夠晒香，食埋入口仲得了嘅，一定好有口感啫……

哼，嗰幾粒芝麻就咁多聲氣，真係未見過大蛇屙尿呀！喺twitter度search「#かけすぎ部」，仲可以召集到唔少重口味嘅面孔㗎喇，無論係芝士粉、七味粉，定係酸薑，總之落得就落，覆蓋範圍高達100％，絕對唔可以畀下面嘅主食仲有任何空間接觸到空氣！唔通個芝麻撈白飯老闆其實係重口味地下集團嘅人又要話你知咩！

どんなに疲れていてもコレ食うとシャキッとするんだ… #かけすぎ部 pic.twitter.com/xfwuuielFB

— マフィア梶田@同位体 (@mafia_kajita) January 13, 2017

封面圖片、資料來源連結： 覃照幃、twitter

延伸閱讀：【都係想食個飯啫】邊條友仔落完胡椒粉唔閂好個蓋！