做爸爸媽咪嘅，梗係成擔心機擺晒落BB度㗎啦，做咩都係為咗BB好，最想佢開開心心健健康康咁成長，如果見到BB一出世已經係早產B，一定比其他爸爸媽咪更加擔心更加大壓力呀！

早產BB一般都要喺醫院住多段時間先可以返屋企嘅，呢段期間，爸爸媽咪一定好掛住BB喇，到BB出院，又要開始照顧呢個新生命嘅挑戰，真係一啲都唔容易㗎。除咗屋企人嘅支持，原來護士嘅關心都一樣好重要！台灣就有個家長話佢嘅BB出院嗰時，護士竟然親手畫咗個食藥時間表畀佢，整整齊齊咁分晒次數同份量，仲加埋好可愛嘅公仔，真係好細心呀！以後爸爸媽咪每次餵BB食藥一望到呢個表，都會感受到大家滿滿嘅愛啦！

咁唔知呢個媽咪又係唔係當年都得到護士啟發，所以喺寫畀保母嘅幼兒紀錄手冊上面都畫下公仔呢？手冊上面除咗寫BB嘅學習表現，仲另外畫滿晒蛋黃哥之類嘅插圖，唔止畫嘅媽咪開心，睇嘅保母又開心呀，第日BB大個咗睇返都一定覺得好warm呀！

封面圖片、資料來源連結：潘同軒、Monica Chang

睇埋：家長寫手冊畀保母都寫得咁打耳