嗱，砂煲咁大個拳頭你哋就聽得多啦，唔知拳頭咁大個砂煲你哋又見過未呢？未？咁就要同毛毛一齊見識見識下喇！話說，最近有位台灣媽媽諗住買個煲嚟煲粥畀阿仔食，於是就上網買咗個煲啦，點知到收貨嘅時候先發現個煲貨不對版喎！

喂咪住先，個煲睇落都幾正常吖，邊度唔對路先？

唉，呢個煲係就係同網上圖片一樣樣，之不過個size細咗幾倍呢……加上個煲放上煤氣爐度個爐頭又大得滯，啲咁嘅物料又放唔到上電磁爐度用喎，你哋話呢位媽媽要個咁細嘅煲嚟做乜好喇？所以咪搞到呢位媽媽除咗心中默默唱句「我突然無言靜了下去細心把你望」之外都唔知講咩好囉！

正所謂世界真細小小小，早前有位英國妹豬上網買咕?咪又係咁，佢用10英鎊買返嚟嗰兩個咕?加埋都仲細過佢隻手掌呀！

所以話呢，其實買到拳頭咁大個砂煲又點吖？大有大用，細有細用啫！爐頭太大咪再上網淘多個爐囉，話唔定個爐送到嚟又係細咗幾倍呢，咁咪可以儲齊一套囉……最多用用下boom一聲啫，冇事嘅！55。

資料來源：黃子玲‎／●【爆笑公社】●、dailymail

回帶：【世界真細小】上網買咕? 到收貨先發現個size仲細過手掌