好多人都會選擇搭地鐵同火車返工，貪佢既方便又快捷，又唔會塞車，啲時間好預啲呀嘛。雖然喺香港就難講啲，但係學Do姐話齋，意外嘅嘢係意料之外㗎嘛～就算去到日本，都有可能因為天氣關係發生啲你估佢唔到嘅「技術性問題」㗎。

呢位網民見日本呢排落咁大雪，車又揸唔到，搭巴士又怕大雪封路，咁咪搭火車囉。你哋睇下窗外面白茫茫一片咁幾靚～好彩有搭火車咋，如果唔係咁厚積雪搭其他交通公具返工一定會遲到啫！嗯……乜你真係咁以為？

啲積雪厚切到呢……畀條路嚟行下好喎大佬！車門前嗰條坑，完全表達出路係人行出嚟嘅意境，仲有打工仔嗰份有前冇後打死罷就嘅勇猛心態，呢個分明就係腦細畀打工仔嘅考驗嚟啦！為咗準時返工，你可以去到幾盡？

有人嘅心願係可以準時返工唔使畀腦細鬧，而喺平行時空嘅另一邊，有人只係想買支烏龍茶……

結果入完錢就發現，原來「等價交換」真係唔係真理……老老77，落雪落到淨係遮住個出口位係咩玩法先？Any肥，呢位朋友又唔使太傷心嘅，話唔定係上帝想同你講……天寒地凍飲咩烏龍茶呀，早啲返屋企瞓啦7頭。

封面圖片及資料來源：shinkametaro／twitter、pon0737／twitter