《哈利波特》迷請舉手！嗱，身為一個專業嘅《哈利波特》迷，唔係唔記得哈利波特第一次參加魁地奇用嗰支掃帚叫咩名下話？冇錯，就係「光輪2000」嘞！坐住佢就可以自由自在咁喺天上面飛，有邊個唔想要吖～最近，有外國網民就用木材自製咗支「光輪2000」出嚟，而家就等毛毛同大家一齊睇下佢嘅製作過程先！

1）要整咁大支嘢就梗係要用塊有返咁上下大嘅木材㗎啦！所以呢位網民嘅第一步就係揸車將塊大木材運返屋企嘞。

2）嗱，大家見到頭先買返嚟嗰塊木材嘅表面係非常之粗糙同埋岩岩巉巉咁嘅，為咗唔好畀木刺拮親手，呢位網民梗係先將塊木材粗糙嘅表面刨走啦！

3）然後就可以開始?佢想要嘅厚度同形狀喇。

4）去到呢個毛文，見到「光輪2000」大約嘅輪廓已經出咗嚟，下一步就係批返啲「邊邊位」嘞。

5）跟住再幫支「光輪2000」打蠟，等佢變得有光澤。

6）而講明係「光輪2000」，又點少得印返個「Nimbus 2000」嘅字樣上去呢？

7）終於嚟到掃帚嘅部份。

8）登登登櫈，一支「光輪2000」咁就完成咗喇！點呀，手工係咪相當精細，支「光輪2000」係咪整得巧令令呢？

雖然過往毛毛都見過有網民自製「光輪2000」，不過睇住佢由冇到有都係第一次啫……係勁嘅。喂老老77，呢位外國網民手工咁強勁，唔知有冇諗過加入毛記電視城美術道具組呢？聽講都幾有前途㗎喎，55。

資料來源：eseidel／imgur