古乳有暈，平生不作虧心事，半夜敲門也不驚。但係有時啲嘢笨唔係話唔驚就唔驚㗎嘛。好似夜媽媽畀你撞到個長頭髮仲要著住條紅色長裙紅色鞋嘅女人企喺部?度，唔驚就假喇！日本呢個朋友仔就唔知係咪時運低，喺課室度發下吽哣望出窗啫，咁都畀佢發現浮屍？唔通佢係就係名偵探死神？

仲要係條裸屍喎，受害者係女性，望落5尺唔知幾多吋，長頭髮，冇咩特別身材，最緊要嘅係⋯⋯佢係一個公仔。邊個咁負心兼冇公德心呀？出咗Pool都唔使掉自己個「舊情人」落個湖度啫下化？

真相只得一個！呢個公仔其實係美術部同學仔嘅作品，叫做《游泳的女人》呀。呃⋯⋯真係點睇都睇唔出佢游緊泳，喺夜晚遠睇仲更加有午夜凶鈴嘅氣氛?。如果轉個角度近少少睇會好啲呢？

Mm⋯⋯同學你都係帶佢走啦，我唔想搞大件事呀。雖然呢個藝術真係冇咩人識得欣賞，但係至少證明咗同學有做日本恐怖片美術大師嘅潛質吖，話唔定可以做清水健⋯⋯吖唔係，清水崇第二先啱，日本恐怖大師呀嘛，好似係。

封面圖片及資料來源：kimako_6／twitter、gyate7631／twitter