Google Translate對於好多唔識外語嘅人嚟講，簡直係救星呀！但係Google嘅機械式翻譯又同時都fake過唔少人，真係愛你恨你問君知否呀～Google Translate最近就出咗個新功能，只要用電話個相機Scan下你想譯嘅嘢，就即刻可以譯到嗰樣物件上面啲字做你想要嘅語言喇～咁以後去日本shopping咪勁方便囉？

都話網上嘅嘢危機四「伏」㗎啦，有人見無聊咪試下Scan下支芬達汽水囉，點知個結果係大麻呀！你哋班人今晚出去行花市唔好帶住支大麻四圍行?呀，唔係慈母的你返去開年㗎！

又有網友試下影下新買電話個包裝盒，竟然大大隻字寫住危險？！唔通佢連部機係咪強國製都sense到？

不過咁都未算驚嚇，有人食完嘢拎咗包乾燥劑出嚟scan下，竟然畀佢發現驚天大秘密呀！喺乾燥劑上面居然可以譯到「乳首」出嚟！究竟乾燥劑同「乳首」有咩微妙嘅關係呢？「奶咀、奶頭，奶咀、奶頭⋯⋯好混亂呀！」

又唔係樣樣嘢譯出嚟都係災難嘅，有啲奇怪嘅翻譯，都可以幾浪漫㗎～好似呢包平平無奇嘅濕紙巾，如果用嚟送畀老婆做禮物，佢一定打爆你啫。

但係如果叫老婆拎部電話出嚟用Google Translate scan下，出咗「Wife Great」出嚟，老婆見到肯定甜到入心呀，呢啲咪叫做情趣囉，一眾老公快啲去日本買返包旁身喇。

其實大家又使乜咁大驚小怪吖，可能係Google Translate太高智慧啫～就好似呢個字咁，你梗係唔識讀喇，係Google造字造出嚟㗎嘛，古乳有暈： 「活到老，學到老」，個「SIR」字都寫到出嚟啦，有「東急手」呢個字有咩出奇喎！

封面圖片及資料來源：0506_sg／twitter、tnsva／twitter、gyneco2d／twitter、_yama_neko_／twitter、rna／twitter